Sistemi i taksave dhe tarifave

Sistemi i taksimit

Legjislacioni tatimor në Republikën e Shqipërisë përbëhet nga: a) marrëveshjet ndërkombëtare të ratifikuara nga Kuvendi; b) ligjet tatimore; c) aktet nënligjore, të miratuara në mbështetje të ligjeve tatimore. Informacioni gjendet i plotë në adresën www.tatime.gov.al. Personat fizik dhe/ose juridik që ushtrojnë aktivitet në Republikën e Shqipërisë janë subjekt i taksave si më poshtë:

Sistemi i taksave

Taksa mbi të ardhurat personale nga puna dhe pagesat e tjera

Taksimi i dividentit dhe të ardhurat e tjera të tatueshme
Të ardhurat e dividentëve, të ardhurat nga aksionet, të ardhurat nga interesat e kredive, depozitat apo kontratat e ngjashme, të ardhurat nga pronësia intelektuale, qerat dhe kontrata të tjera të ngjashme, janë të taksuara në nivelin 15%.

Tatimi në burim
Të gjithë rezidentët e Republikës së Shqipërisë, institucionet qendrore dhe lokale, organizatat jo fitimprurëse dhe entitetet e reja të njohura nga legjislacioni në fuqi, i nënshtrohen taksimit në burim prej 15% nga shuma e pagesave bruto si më poshtë të krijuara nga një burim në Republikën e Shqipërisë:

Niveli i taksimit të shoqërive në Shqipëri

Taksa mbi biznesin e vogël Afati i pagesave për detyrimet që kanë bizneset që zhvillojnë aktivitetin në juridiksionin e Bashkisë Shkodër është data 20 prill. Afati i pagesave për detyrimet e lindura pas 20 prillit është 30 ditë pas lindjes së detyrimit, në rast të mos pagesës në afatin e mësipërm, do të aplikohet gjobë në masën 5% të detyrimit të papaguar për çdo muaj vonesë.

Tatimi mbi fitimin
Gjatë periudhës vijuese tatimore, tatimpaguesi parapaguan, në llogarinë e organeve tatimore, këstet tremujore të tatimit mbi fitimin, brenda datës 30 mars, për muajt janar, shkurt dhe mars; brenda datës 30 qershor, për muajt prill, maj dhe qershor; brenda datës 30 shtator, për muajt korrik, gusht dhe shtator dhe brenda datës 30 dhjetor, për muajt tetor, nëntor dhe dhjetor. Këstet mund të paguhen edhe në baza mujore.

Rregullat e transferimit të fitimit
Transferimi i fitimit ndodh kur kemi të bëjmë me shoqëri dhe biznese në pronësi të të njëjtit person dhe që operojnë në dy ose me shumë shtete me legjislacion tatimor të ndryshëm. Këto shoqëri kanë të drejtën e vendosjes së transferimit të fitimit në shtetin ku niveli i taksimit është më i ulët.

Tatimi mbi vlerën e shtuar (TVSH)
Ligjit me nr. 92/2014 “Për tatimin mbi vlerën e shtuar” i ndryshuar i nënshtrohen:
a) të gjitha furnizimet e mallrave dhe shërbimeve, të kryera kundrejt pagesës, brenda territorit të Republikës së Shqipërisë, nga një person i tatueshëm që vepron si i tillë;
b) të gjitha importet e mallrave në territorin e Republikës së Shqipërisë. Për tatimpaguesit që ofrojnë shërbime si avokat, noter, mjek, stomatolog, farmacist, arkitekt, inxhinier, projektues, ekonomist, apo shërbime ekonomike në fushën e turizmit pavarësisht nga niveli i xhiros vjetore, janë të gjithë subjekt i TVSH-së. TVSH-ja aplikohet në shitjen e produkteve dhe shërbimeve apo importin e produkteve në një vlerë standarte prej 20%. Në sektorin e turizimit për furnizimin e shërbimit të akomodimit TVSH është 6%.
Tatimi është 0% në rastet si më poshtë:
Furnizimi me produkte të eksportuara jashtë territorit të Shqipërisë; furnizimi me produkte dhe shërbime të lidhura me transportin ndërkombëtar të prodhimeve dhe pasagjerëve; furnizimi me produkte dhe shërbime të lidhura me tregtinë apo industrinë detare.
Të gjithë personat fizik dhe ligjor që kryejnë aktivitete importeksporti janë të detyruar të regjistrohen për qëllime TVSH-je, pavarësisht nga totali i xhiros vjetore.

Detyrim i akcizës
Detyrimi i akcizës rregullohet nga ligji nr. 61/2012 “Për akcizën në Republikën e Shqipërisë”, i ndryshuar.
Taksa e akcizës për duhanin është:
Lekë 6,000/1,000 copë, duke filluar nga 1 janari 2017
Taksa e akcizës së pijeve alkoolike (jo birra) për verërat, shampanjë, pije të fermentuara dhe pije të ndërmjetme alkoolike është 5200 Lekë/HL. Për birrën lokale apo të huaj në sasi me pak se 200 000 HL në vit, 360 Lekë/HL/ grad alkooli
Për birrën lokale apo të huaj në sasi me shumë se 200 000 HL në vit, 710 Lekë/HL/grad alkooli.

Taksa mbi pasurinë e paluajtshme
Taksa mbi pasurinë e paluajtshme është një taksë e qeverisjes lokale. Sipas legjislacionit shqiptar, prona e paluajtshme përfshin: ndërtesat dhe tokat bujqësore. Subjekt i kësaj takse janë të gjithë personat fizik apo juridik, të huaj apo vendas, pronarë të një prone në Shqipëri.

Niveli i taksave të ndërtesave (Lek/m2 në vit).

Niveli i taksës mbi tokën bujqësore

Taksa mbi truallin

Ndërtesa në pronësi apo në përdorim, në territore të miratuara si fshatra turistike

Taksa për Ndërtesa të tjera

Taksat dhe tarifat lokale

Tatim i thjeshtuar mbi fitimin e biznesit të vogël

Taksa e fjetjes në hotel

Taksa e ndikimit në infrastrukturë nga ndërtimet e reja

Tarifë parkimi për automjetet

Tarifë për parkim për çdo mjet të licencuar.

Taksa e tabelës

Tarifa e pastrimit dhe largimit të mbeturinave për biznesin

Tarifa e ndriçimit për biznesin

Tarifa e gjelbërimin për biznesin