Vështrim i përgjithshëm i shërbimit

Ndërtimi, rehabilitimi dhe mirëmbajtja e rrugëve vendore dhe sinjalizimit rrugor brenda juridiksionit të njësisë së vetqeverisjes vendore.

Kontraktimi i shoqërive private të transportit për sigurimin e shërbimeve të transportit publik lokal;
Mbikqyrje dhe rregullim shërbimeve të transportit publik lokal të shoqërive private (miratimi i tarifave për pasagjerët dhe i orëve dhe shpeshtësise së shërbimeve etj.);
Prodhim dhe përhapje e informacionit të përgjithshëm, orareve etj. të operacioneve të sistemit publik lokal të transportit;
Grante, hua ose financime për të mbështetur funksionimin, ndërtirnin, mirëmbajtjen ose përmirësimin e sistemeve dhe strukturave të transportit publik lokal.

Gjatë vitit 2021 synimi dhe përpjekja jonë është fokusuar në:

• Rritjen e sigurisë dhe lehtësisë së lëvizjes së qytetarëve.
• Monitorimin e lëvizjes së mjeteve private në rrugët kryesore të qytetit.
• Në përputhje me planin kompletimi me sinjalistikë horizontale dhe vertikale të rrugëve të qytetit sipas ndryshimeve në infrastrukturë.
• Përmirësimin e sinjalistikës vertikale dhe horizontale për këmbësorët, invalidët dhe qarkullimin e mjeteve.
• Rritjen dhe mirëmbajtjen e linjave të pedalimit brenda qytetit.
• Funksionimin e linjave urbane ekzistuese dhe i linjave të reja.
• Funksionim normal të linjave të transportit nga qyteti në drejtim të njësive administrative dhe anasjelltas.
• Përcaktimin e vendqëndrimeve në përputhje me studimin e planit të trafikut.

Sfida

• Trafik i ngarkuar si rezultat i qarkullimit të automjeteve në akset kryesore dhe në qendër të qytetit, i cili shpeshherë paraqitet me tejkalime të shpejtësisë së lejuar nga drejtues të pandërgjegjshëm.
• Nevoja për plotësim me sinjalistikë për kufizim shpejtësie për rritjen e sigurisë rrugore, në pika të caktuara.
• Nevojitet vazhdimi i ndërtimit të rrampave, plotësim dhe mirëmbajtjen sinjalistike për të krijuar kushtet e lëvizjes dhe parkimet e mjeteve të personave me aftësi ndryshe.
• Nevoja për përmirësim të mëtejshëm të infrastrukturës dhe rritjen e sigurisë për lëvizjen me biçikleta si dhe promovimi i pedalimit.
• Përdorimi i mjeteve të transportit publik nuk ka qenë në nivelin optimal. Për rrjedhojë, përdorimi i automjeteve personale nuk ka pësuar rënie.
• Dëmtime të qëllimshme të sinjalistikës.
• Përmirësimi i sinjalistikës në njësitë e reja administrative ku ka mungesë të theksuar të sinjalistikës horizontale e vertikale.
• Pakësimi i lëvizjes së udhëtarëve me mjete të transportit publik për shkak të kufizimeve nga COVID-19.
• Trafik i rënduar në akse të ndryshme, i cili redukton shpejtësinë e transportit urban, si dhe ndikon negativisht në respektimin e frekuencave, duke demotivuar rrjedhimisht qytetarët në përdorimin e tij.
• Zënia e vendqëndrimeve nga parkimi i jashtëligjshëm i automjeteve.
• Dëmtimi i sinjalistikës ekzistuese, si dhe nevoja për streha vendqëndrimesh cilësore, aty ku mungojnë.
• Informaliteti që cënon transportin e rrjetit urban dhe linjave të rregullta

Transporti publik, ka si burim financimi të ardhurat nga tarifat. Mbulimi i shpenzimeve neto është 100% nga të ardhurat e programit. Pjesa më e madhe e shpenzimeve e zënë shpenzimet korrente me rreth 43.6% për vitin 2022, 53.7% për vitin 2023 dhe 53.7% për vitin 2024. Shpenzimet kapitale zënë 56.4% për vitin 2022, 46.3% për vitin 2023 dhe 46.3% për vitin 2024.

Shpenzimet e Shërbimit (000 ALL)