Vështrim i përgjithshëm i shërbimit

Nxitja e projekteve zhvillimore që kanë për qëllim rritjen ekonomike të turizmit në njësinë e vetqeverisjes vendore, si dhe zhvillimin dhe promovimin e turizmit.

• Administrimi i çështjeve dhe shërbimeve të turizmit vendor; promovim dhe zhvillim i turizmit vendor.
• Funksionimi i zyrave turistike vendore, organizim i fushatave publicitare, duke përfshirë prodhimin dhe shpërndarjen e literaturës promovuese e të një natyre të ngjashme;
• Përmirësim i hapësirave pamore urbane të Bashkisë, perms mirëmbajtjes së objekteve kulturore dhe turistike që nxisin rritjen e vizitorëve duke e kthyer në atraksion turistik njësinë vendore.

Qëllimi kryesor i aktivitetit të programit është promovimi i zhvillimit të turizmit nëpërmjet zbatimit të politikave favorizuese të këtij sektori. Programi zbatohet nga Bashkia e Shkodrës, aktiviteti i së cilës përqëndrohet në dy drejtime primare që janë:

• zhvillimi i produktit turistik dhe
• shërbimi ndaj vizitorit.

Sezoni turistik 2021, është ndikuar në mënyrë të qënësishme nga kriza shëndetësore e pandemisë Covid 19, e cila është pasqyruar dhe ka goditur ekonominë shqiptare dhe në mënyrë të veçantë turizmin, si sektori më i ndjeshëm i ekonomisë. Pandemia e COVID19 ka sjellë për shoqërinë tonë një situatë të pakrahasueshme dhe të paparashikueshme për nga ndikimi në jetën tonë, ekonominë, shoqërinë dhe mënyrën e jetesës duke shkaktuar një krizë ekonomike globale dhe humbje masive të vendeve të punës. Duke pasur parasysh natyrën e paprecendent të krizës në këto 100 vitet e fundit si edhe zhvillimet e shpejta të saj është tepër e vështirë të bëhet një vlerësim i ndikimit të saj në turizëm. Në këto kushte edhe aktiviteti i turizmit në Bashkinë Shkodër është ndikuar nga mungesa e vizitorëve e kryesisht atyre të huaj. Një pjesë e aktiviteteve nuk është arritur të zhvillohen si shkak i masave të marra nga qeveria qendrore për parandalimin e përhapjes së pandemisë së Covid19.

Zhvillimi i turizmit, ka si burim financimi të ardhurat. Shpenzimet neto janë shpenzime që mbulohen nga të ardhurat e tjera. Shpenzimet korrente zënë pothuajse 100% të shpenzimeve për 3 vitet. Vetëm në vitin 2022 kemi 4.2 % planifikim në zërin shpenzime kapitale.

Shpenzimet e Shërbimit (000 ALL)