Bashkia Shkodër njofton shpalljen e një vendi të lirë pune për pozicionin Menaxher projekti, në kuadër të projektit Territory, Programi IPA Interreg Adriatiku Jugor 2021–2027, pranë Bashkisë Shkodër.
TERMAT E REFERENCËS
Kategoria: Menaxher Projekti
Lloji i Kontratës: Kontratë pune me kohë të plotë
Përshkrimi: Menaxhimi dhe Koordinimi i Projektit
Projekti: Territory – Programi IPA Interreg Adriatiku Jugor 2021–2027 (Itali–Shqipëri–Mali i Zi)
Autoriteti Kontraktor: Bashkia Shkodër
Kohëzgjatja e Kontratës: 1 Mars 2026 – 1 Mars Shkurt 2027 (fillimisht, me mundësi zgjatjeje deri në 2 vjet, bazuar në performancë)
- Përshkrimi dhe Objektivat e Pozicionit të Punës
Bashkia Shkodër po zbaton Projektin Territory në kuadër të Programit IPA Interreg Adriatiku Jugor 2021–2027. Projekti përqendrohet në forcimin e kapaciteteve të menaxhimit të fatkeqësive natyrore në rajonin e Adriatikut Jugor, duke përfshirë Italinë, Shqipërinë dhe Malin e Zi, përmes zhvillimit të një sistemi inovativ dhe të qëndrueshëm që integron Sistemet Ajrore Pa Pilot (UAS) dhe Inteligjencën Artificiale (IA).
Përmes zbatimit të këtyre teknologjive të përparuara, projekti synon të përmirësojë menaxhimin e riskut mjedisor dhe mekanizmat e reagimit ndaj emergjencave, të mundësojë mbledhjen dhe analizën e të dhënave në kohë reale për të mbështetur vendimmarrjen më të shpejtë dhe më efektive, të përmirësojë monitorimin e zonave me qasje të vështirë dhe zbulimin e hershëm të riskut, si dhe të përforcojë operacionet e kërkim-shpëtimit.
Qëllimi i këtij pozicioni është të ofrojë shërbime të menaxhimit dhe koordinimit të projektit për të siguruar zbatimin efikas dhe në kohë të projektit, në përputhje të plotë me kërkesat e Programit, rregulloret përkatëse të BE-së dhe procedurat PRAG. Kjo detyrë adreson nevojën e Bashkisë së Shkodrës për të forcuar kapacitetin e saj teknik dhe administrativ në menaxhimin e projekteve ndërkufitare të financuara nga BE-ja, dhe ndër të tjera përfshin organizimin e eventit përmbyllës të nivelit të lartë të projektit, si dhe ëorkshope, sesione trajnimi dhe pjesëmarrje në takime të tjera që lidhen me projektin.
- Përshkrimi i fushës së punës
Menaxheri i Projektit do të mbështesë Bashkinë e Shkodrës në të gjitha aspektet e menaxhimit teknik, administrativ, financiar dhe koordinues të projektit të Territorit, në përputhje me Formularin e Aplikimit të miratuar, Planin e Aktiviteteve dhe buxhetin.
Menaxheri i Projektit do të punojë me kohë të pjesshme nën drejtimin e Koordinatorit të Drejtorisë së Emergjencave Civile dhe do të koordinohet ngushtë me specialistët e bashkisë (prokurim, financë, mjedis), ekspertë dhe partnerë të projektit.
- Detyrat dhe Përgjegjësitë
Nën mbikëqyrjen e Autoritetit Kontraktor, menaxheri i projektit do të kryejë detyrat e mëposhtme:
Koordinimi dhe Menaxhimi i Projektit:
Mbikëqyr zbatimin e projektit në përputhje me Planin e Aktiviteteve dhe planin kohor të miratuar.
Siguron pajtueshmërinë me rregullat e Programit IPA Interreg, rregulloret e BE-së dhe procedurat PRAG.
Monitoron progresin e aktiviteteve, produkteve, rezultateve dhe treguesve.
Përfaqëson Bashkinë në takime dhe ngjarje kombëtare dhe ndërkombëtare që lidhen me projektin.
Mbështetje Teknike dhe Administrative:
Ndihmon në përgatitjen, zbatimin dhe monitorimin e procedurave të prokurimit dhe administrative.
Mban dokumentacionin e saktë të projektit dhe mbështet auditimet.
Përgatit, koordinon dhe dorëzon raporte periodike narrative dhe financiare nëpërmjet platformës JEMS.
Menaxhimi Financiar:
Mbështet zbatimin e buxhetit të miratuar të projektit.
Siguron dokumentacionin e saktë financiar dhe justifikimin e shpenzimeve.
Organizimi i Eventit pëmbyllës dhe workshopeve:
Koordinon ëorkshopet e projektit, sesionet e trajnimit dhe eventin përfundimtar të nivelit të lartë të projektit.
Përgatitja e axhendave, materialeve dhe dokumentacionit pasues.
Komunikimi dhe Koordinimi:
Mbajtja e komunikimit të vazhdueshëm me partnerët e projektit në Itali, Shqipëri dhe Mal të Zi.
Koordinimi me grupin e punës së projektit të brendshëm dhe palët e interesuara të jashtme.
Kryerja e detyrave të tjera sipas kërkesës së Autoritetit Kontraktues ose organeve të Programit.
Të gjitha detyrat duhet të kryhen në përputhje me rregullat e BE-së, procedurat PRAG, udhëzimet e Programit dhe parimet e menaxhimit të shëndoshë financiar.
- Rezultatet
Menaxheri i Projektit duhet të kontribuojë dhe/ose të sigurojë rezultatet e mëposhtme:
- Koordinimi dhe zbatimi në kohë i aktiviteteve të projektit në përputhje me Planin e Aktiviteteve të miratuara.
- Organizimi dhe dokumentimi i takimeve të projektit (eventi përmbyllës, ëorkshope, trajnime).
- Kontributi në raportet periodike narrative dhe financiare të paraqitura nëpërmjet JEMS; arkivimi i saktë i dokumenteve të justifikimit sipas gjurmëve të auditimit për pranueshmërinë e shpenzimeve.
- Përditësime të rregullta të progresit dhe shënime koordinimi mbi zbatimin e projektit dhe ekzekutimin e buxhetit.
- Dokumentacioni mbështetës në lidhje me pjesëmarrjen në takimet dhe ngjarjet e projektit.
- 5.Raportimi dhe Koordinimi
Menaxheri i Projektit do të raportojë drejtpërdrejt në Bashkinë e Shkodrës, Drejtorinë e Emergjencave Civile në Bashkinë e Shkodrës dhe do të punojë në koordinim të ngushtë me partnerët e projektit dhe strukturat përkatëse të Programit.
Menaxheri i Projektit do të punojë si pjesë e Projektit Territory. Ai/Ajo do të raportojë dhe do të punojë nën drejtimin e Koordinatorit të Bashkisë. Menaxheri i Projektit do të bashkëpunojë ngushtë me Bashkinë dhe palët e tjera të interesuara për të siguruar që projekti të menaxhohet në mënyrë efikase dhe në përputhje të plotë me objektivat e Projektit, Marrëveshjen e Partneritetit dhe Manualin Operacional të Projektit.
- Përzgjedhja dhe Vendi i Caktimit
Shërbimi do të përzgjidhet në përputhje me dispozitat e rregulloreve shqiptare në kuadër të Programit IPA Adriatiku Jugor, për periudhën 01 Mars 2026 – 01 Mars 2027.
Kohëzgjatja: Menaxheri i Projektit do të angazhohet me kohë të plotë. Kontrata do të jepet fillimisht për një periudhë njëvjeçare, me mundësi zgjatjeje deri në dy vjet, në varësi të performancës së kënaqshme.
Vendndodhja: Shkodër, Shqipëri, me disponueshmëri për udhëtime sipas kërkesave të aktiviteteve të projektit.
- Kualifikimet dhe Përvoja e Kërkuar
Eksperti duhet të përmbushë kërkesat minimale të mëposhtme:
- Të ketë diplomë të nivelit “Master i shkencave” apo“Master profesional” të përftuar në fund të studimeve të ciklit të dytë me 120 kredite dhe me kohëzgjatje normale 2 (dy) vite akademike, ose të barasvlefshme me të, në Shkenca Ekonomike/Juridike/ Natyrës.
Diplomat të cilat janë marrë jashtë vendit duhet të jenë të njehsuara pranë institucionit përgjegjës për njehsimin e diplomave sipas legjislacionit në fuqi. - Të ketë përvojë të provuar në menaxhimin e projekteve, mundësisht në projekte të financuara nga BE.
- Njohuri të rregullave dhe procedurave të BE-së, duke përfshirë kërkesat e raportimit PRAG dhe të programit.
- Përvojë të provuar në monitorimin e buxhetit dhe raportimin financiar.
- Njohuri të mira të gjuhës angleze, niveli minimal B2.
- Aftësi të forta organizative, komunikuese dhe koordinuese.
- Aftësi për të punuar në mënyrë të pavarur dhe brenda një mjedisi ndërkombëtar dhe shumëkulturor.
- 8. Dokumentet që duhet të dorëzohen nga kandidati
- Letër aplikimi;
- Jetëshkrim i përditësuar, përfshirë të dhënat e kontaktit, postën elektronike dhe adresën postare;
- Fotokopje të letër njoftimit elektronik (kartë identiteti);
- Certifikatë personale;
- Certifikatë familjare;
- Fotokopje të diplomës dhe suplimentit/listës së notave (Bachelor dhe Master);
- Dëshmi e përvojës profesionale;
- Vërtetim për aftësi në punë (Raport mjeko-ligjor);
- Vërtetim nga gjykata;
- Vërtetim nga prokuroria;
- Vërtetim i gjendjes gjyqësore (dëshmi penaliteti) / Vetëdeklarim të gjendjes gjyqësore;
- Çdo dokumentacion tjetër që vërteton trajnimet, kualifikimet, arsimin shtesë, vlerësimet pozitive apo të tjera të përmendura në jetë shkrimin tuaj;
- Listë e nënshkruar dhe e inventarizuar e të gjitha dokumenteve të dorëzuara.
- 9. Dorëzimi i Dokumenteve
Kandidatët e interesuar duhet të dorëzojnë dokumentet e aplikimit personalisht, pranë Z1N (Zyra me 1 Ndalesë), brenda datës 20 Shkurt 2026, ora 16:00, në adresën e mëposhtme: Bashkia Shkodër, Rruga 13 Dhjetori, Nr. 1, 4001, Shqipëri.
Me subjekt: Aplikim për pozicionin Menaxher Projekti, Projekti i Territorit, INTERREG IPA CBC Itali-Shqipëri-Mal i Zi.
Bashkia Shkodër, 5 ditë pas datës së mbylljes së dorëzimit të dokumenteve, do të publikojë në faqen e saj zyrtare të internetit listën e kandidatëve që plotësojnë kriteret e përshtatshmërisë dhe specifike për pozicionin, së bashku me datën, orën dhe vendin e intervistës.
Në përfundim të vlerësimit, Bashkia Shkodër do t’i njoftojë kandidatët individualisht me anë të email-it për rezultatet e tyre dhe do të shpallë kandidatin e përzgjedhur në faqen zyrtare të internetit të bashkisë.
- Kriteret e Vlerësimit
Aplikantët që plotësojnë kërkesat e kualifikimit do të vlerësohen më tej bazuar në kriteret e mëposhtme:
Kandidatët do të vlerësohen bazuar në dokumentacionin e paraqitur:
Kandidatët do të marrin gjithsej 40 pikë për dokumentacionin e paraqitur, të ndara si më poshtë:
a) 20 pikë për përvojën profesionale;
b) 10 pikë për kurset e trajnimit ose kualifikimet që lidhen me fushën;
c) 10 pikë për certifikim pozitiv ose vlerësime individuale të performancës në rastet kur nuk është kryer një proces formal certifikimi.
Gjatë intervistës së strukturuar, kandidatët do të vlerësohen me 60 pikë bazuar në:
a) njohuritë, aftësitë dhe kompetencat e tyre që lidhen me përshkrimin e punës;
b) përvojën e tyre të mëparshme;
c) motivimin, aspiratat dhe pritjet e tyre për karrierën.
- Fushat e njohurive, aftësitë dhe kompetencat që do të vlerësohen gjatë intervistës
Kandidatët do të vlerësohen në lidhje me:
Ligjin nr. 139/2015 “Për Vetëqeverisjen Vendore”, i ndryshuar;
Ligjin nr. 8/2024 për ratifikimin e marrëveshjes së financimit midis Republikës së Shqipërisë, Republikës së Italisë dhe Komisionit Evropian, që përfaqëson Bashkimin Evropian, për programin e bashkëpunimit (Interreg VI-A) IPA Itali-Shqipëri-Mali i Zi (Adriatiku Jugor) 2021–2027.
Udhëzimin nr. 10, datë 12.07.2024, “Për regjistrimin, përdorimin, pajtimin, raportimin dhe publikimin e financimit të huaj në kuadër të Marrëveshjeve Ndërkombëtare.”
Menaxhimi i fondeve IPA sipas rregullave PRAG (http://ec.europa.eu/europeaid/prag/document.do?nodeNumber=1)
Dokumente të tjera të programit (https://www.italy-albania-montenegro.it