Bashkohuni me Trajnimin Online ARTE: Arti për Europën – Fuqizimi i të rinjve përmes mundësive të BE-së.
A jeni ndërmjet moshës 18 dhe 30 vjeç dhe jetoni në Itali, Portugali, Greqi, Mal të Zi ose Shqipëri?
A jeni të interesuar të mësoni më shumë rreth Bashkimit Evropian, të zbuloni mundësi mobiliteti dhe trajnimi, dhe të bëheni më aktivë në komunitetin tuaj lokal dhe evropian?
Nëse po, projekti ARTE ju fton të bashkoheni në një program trajnimi online falas, i cili synon të fuqizojë të rinjtë përmes njohurive, pjesëmarrjes dhe shkëmbimit ndërkulturor!
Çfarë është ARTE?
ARTE – Arti për Europën është një projekt i financuar nga Programi CERV, i cili synon të bashkojë të rinj nga vendet e BE-së dhe vendet kandidate. Përmes një serie trajnimesh interaktive online, projekti promovon angazhimin qytetar, përfshirjen sociale dhe pjesëmarrjen kulturore.
Struktura dhe përmbajtja e trajnimit
Trajnimi online përbëhet nga katër module interaktive, të zhvilluara në katër sesione të veçanta çdo javë për një muaj me mundësi përzgjedhjeje ndërmjet muajve shkurt dhe maj 2026. Çdo sesion do të zgjasë rreth 2 orë dhe do të zhvillohet në gjuhën angleze përmes platformës Zoom.
Çdo pjesëmarrës pritet të marrë pjesë në të katër sesionet, të cilat së bashku përbëjnë programin e plotë të trajnimit. Pjesëmarrësit që i përfundojnë me sukses të katër modulet do të pajisen me një Certifikatë Pjesëmarrjeje.
Moduli I – Hyrje në Bashkimin Evropian dhe Politikat Rinore
Historia dhe zgjerimi i BE-së, institucionet kryesore dhe momentet kyçe legjislative
Strategjia Rinore e BE-së 2019–2027, Axhenda Evropiane për Punën Rinore, Objektivat Rinore
Konferenca për të Ardhmen e Evropës dhe angazhimi i të rinjve në hartëzimin e politikave të BE-së
Moduli II – Procesi i Anëtarësimit në BE dhe Praktikat më të Mira
Hapat dhe procedurat në procesin e anëtarësimit në Bashkimin Evropian
Iniciativa New European Bauhaus (NEB)
Shembuj frymëzues të bashkëpunimit ndërkufitar dhe nismave rinore të financuara nga BE-ja
Moduli III – Mundësitë e Mobilitetit dhe Financimit të BE-së për të Rinj
Pasqyrë e thirrjeve të programit Erasmus+ dhe skemave të mobilitetit rinor
Programe trajnimi dhe shkëmbimi, aktivitete për pjesëmarrjen rinore, DiscoverEU
Punëtori praktike mbi hartimin dhe shkrimin e projekteve bazuar në thirrje të hapura
Moduli IV – Njohja e Mësimit dhe Punës në BE
Youthpass dhe njohja e rezultateve të të nxënit joformal
Këshilla ligjore dhe praktike për studim dhe punë në vendet e BE-së
Strukturat mbështetëse: Europe Direct dhe shërbimet e këshillimit për të rinjtë
Çdo sesion përfshin diskutime interaktive, prezantime nga ekspertë dhe mundësi shkëmbimi me bashkëmoshatarë nga pesë vende të ndryshme.
Kush mund të aplikojë?
Pjesëmarrësit duhet të:
- Jenë ndërmjet moshës 18 dhe 30 vjeç
- Të banojnë në Itali, Portugali, Greqi, Mal të Zi ose Shqipëri
- Të jenë të motivuar për t’u angazhuar në temat evropiane dhe pjesëmarrjen rinore
Si të aplikoni?
Plotësoni formularin e regjistrimit online: https://forms.gle/7K98osgK3qSLdL4w7
Afatet për dërgimin e aplikimit tuaj:
- 23 shkurt 2026 nëse dëshironi të merrni pjesë në sesionin e parë që fillon më 27 shkurt
- 23 mars 2026 nëse dëshironi të merrni pjesë në sesionin e dytë që fillon më 27 mars
- 04 maj 2026 nëse dëshironi të merrni pjesë në sesionin e dytë që fillon më 8 maj
Kontaktoni për më shumë informacion:
- Planifikimi Strategjik, Bashkia Shkodër – planifikimistrategjik@bashkiashkoder.gov.al
Presim me kënaqësi t’ju bashkoheni komunitetit tonë evropian të të mësuarit!