Mbështetur në nenit 55 të ligjit Nr.69/2012, ‘Për sistemin arsimor parauniversitar në Republikën e Shqipërisë”, i ndryshuar dhe Udhëzimin Nr.22, datë 13.11.2023 “Për përcaktimin e rregullave dhe proçedurave për emërimin, uljen në detyrë, pezullimin dhe shkarkimin e drejtorit dhe nëndrejtorit të institucionit public arsimor parauniversitar”; Vendimit Nr.30, datë 24.01.2024 “Për miratimin e strukturës të nëpunësve dhe punonjësve të administratës dhe të institucioneve në varësi të Bashkisë Shkodër” të ndryshuar, Bashkia Shkodër njofton shpalljen e vendeve vakante në institucionet publike të arsimit parauniversitar Shkodër për pozicionet:
1 (një) Drejtor kopshti me ushqim, Drejtoria nr.7, kopshti “Njomzat”
1 (një) Drejtor kopshti pa ushqim, Drejtoria nr.12, kopshti “Dëshmorët e Prishtinës”
Kandidati për drejtor i institucionit publik të arsimit parauniversitar duhet :
- Të ketë fituar diplomë të ciklit të dytë në fushën e edukimit ose diplomë të njëvlefshme me të, sipas përcaktimeve të ligjit nr.80/2015 “Për arsimin e lartë dhe kërkimin shkencor në institucionet e Arsimit të lartë në Republikën e Shqipërisë”;
- Të ketë të paktën kategorinë “Mësues i kualifikuar“;
- Të mos ketë masa disiplinore në fuqi ndaj tij;
- Të ketë kryer trajnimin e detyrueshëm përgatitor në Shkollën e Drejtorëve, për drejtimin e institucionit arsimor parauniversitar në Republikën e Shqipërisë”, të ndryshuar.
Dokumentacioni i aplikimit për drejtor përmban:
- Jetëshkrimi dhe kopjet e njësuara me origjinalin të dokumenteve që dëshmojnë pohimet në të (sipas modelit të përcaktuar në shtojcën nr.1 të Udhëzimit Nr. 22, datë 13.11.2023 “Për përcaktimin e rregullave dhe proçedurave për emërimin, uljen në detyrë, pezullimin dhe shkarkimin e drejtorit dhe nëndrejtorit të institucionit public arsimor parauniversitar”;
- Kopjen e njësuar me origjinalin të librezes së punës;
- Kopjen e dokumentit të identitetit (ID);
- Tabelën me të dhënat për aplikantin (sipas modelit të përcaktuar në shtojcën nr.5 të udhëzimit të mësipërm)
- Çertifikatën e drejtuesit të IPAP-së. Çertifikimi i kandidatit për drejtor i IPAP-së kryhet pas zhvillimit të trajnimit të detyrueshëm përgatitor në Shkollën e Drejtorëve, për drejtimin e IPAP-së;
- Vetëdeklarimin e gjendjes gjyqësore (sipas modelit të përcaktuar në shtojcën nr.2 të udhëzimit të mësipërm)
- Vërtetimin nga institucioni ku punon, që nuk ka masë disiplinore në fuqi.
- Deklaratën e konfliktit të interesit me punonjësit arsimorë të IPAP-së (bashkëshort/bashkëshorte, prind, vëlla/motër, fëmijë në moshë madhore, prindër të bashkëshortit /bashkëshortes (sipas modelit të përcaktuar në shtojcën nr.3 të udhëzimit të mësipërm).
MËNYRA E VLERËSIMIT TË KANDIDATËVE
a- Kandidatët do të vlerësohen në lidhje me dokumentacionin e dorëzuar.
b- Kandidatët do të vlerësohen në intervistën e strukturuar me gojë në lidhje me njohuritë dhe aftësitë për drejtimin e institucionit.
Dokumentacioni i aplikimit do të dorëzohet pranë Zyrës me Një Ndalesë në Bashkinë Shkodër, deri më datë 12.04.2024.